Social Icons

ad3

ad3

ad2

ad2

ad1

ad1

Sunday, July 02, 2017

MATUKIO MAKUBWA MBEYA MWEZI JANUARI-JUNI 2017



Baadhi ya matukio makubwa yaliripotiwa kutokea Mkoani Mbeya ikiwemo mauaji, kubaka, unyang’anyi na uvunjaji.

Jumla ya  makosa yote ya  jinai yaliyoripotiwa Polisi kwa kipindi cha januari hadi juni – 2017  yalikuwa ni 12,108  ikilinganishwa na makosa 11,967   yaliyoripotiwa kipindi kama hicho mwaka 2016, hivyo kuna ongezeko la makosa 141.

Kati ya  makosa hayo,  makosa makubwa yalikuwa 1, 037   wakati kipindi kama hicho mwaka 2016   makosa makubwa yalikuwa  1,040, hivyo kuna pungufu ya  makosa 3

Katika kipindi hicho cha Januari hadi Juni – 2017 makosa madogo yaliyoripotiwa yalikuwa 11,071 wakati kipindi kama hicho mwaka 2016 yalikuwa 10,927, hivyo kuna ongezeko la makosa 144.

Makosa yatokanayo na  jitihada za Jeshi la Polisi kwa kushirikiana na wananchi na wadau wengine kupitia misako/doria kwa kipindi hicho yalikuwa 323  wakati kipindi kama hicho mwaka 2016  yalikuwa  305, hivvyo kuna ongezeko la makosa 18.

Kwa upande wa makosa ya  usalama barabarani, jumla ya  makosa  yote ya  ajali pamoja na yale ya ukiukwaji wa sheria za usalama barabarani na usafirishaji kwa kipindi hicho yalikuwa 36,930, wakati kipindi kama hicho  mwaka – 2016  makosa 33,533  yaliripotiwa.

Matukio ya ajali kwa kipindi cha januari hadi juni – 2017 yalikuwa 78, wakati  kipindi kama hicho mwaka 2016  yalikuwa  184, hivyo kuna pungufu ya makosa 106.

Ajali zilizosababisha vifo zilikuwa 44, wakati kipindi kama hicho mwaka 2016 ziliripotiwa ajali 80, hivyo kuna pungufu ya makosa 36.

Watu waliokufa kutokana na ajali ni 53, wakati kipindi kama hicho  mwaka 2016 walikufa watu 95, hivyo kuna pungufu ya watu 42.

Ajali za majeruhi ni 34, wakati mwaka 2016  ziliripotiwa ajali  104, hivyo kuna pungufu ya ajali 70.

Watu waliojeruhiwa katika ajali mbalimbali walikuwa 67, wakati  mwaka 2016 walikuwa watu 248, hivyo kuna pungufu ya watu 181, .

Pesa zilizokusanywa kutokana na makosa mbalimbali ya ukiukwaji wa sheria za usalama barabarani na usafirishaji [notification] ni Shilingi za Kitanzania 1,107,900,000/= wakati kipindi kama hicho mwaka 2016 zilikusanywa pesa Shilingi za Kitanzania 1,005,990,000/=, hivyo kuna ongezeko la tozo Shilingi 101,910,000/=, sawa na asilimia 10.

Zipo baadhi ya  sababu zilizopelekea kuongezeka kwa matukio ya ajali za barabarani ambazo ni:- kuongezeka kwa vyombo vya usafiri mkoani mbeya hasa magari na pikipiki, baadhi ya  madereva kutokuzingatia sheria za usalama barabarani ikiwa ni pamoja na mwendo kasi hasa usiku na ulevi  licha ya  jitihada za Jeshi la Polisi Mkoa wa Mbeya kwa kushirikiana na baadhi ya  wadau kutoa elimu hiyo mara kwa mara pamoja na hali ya  hewa hususani ukungu na utelezi katika baadhi ya  maeneo ya  barabara ya  Mbeya/Rungwe/Kyela.

Kamanda wa Polisi Mkoa wa Mbeya Naibu Kamishna wa Polisi Dhahiri A. Kidavashari  anatoa pongezi  kwa  wananchi wote wa mkoa wa Mbeya kwa ushirikiano wao wa dhati kwa Jeshi la Polisi katika mapambano dhidi ya  uhalifu na wahalifu kupitia dhana ya ulinzi shirikishi na polisi jamii katika kipindi chote cha januari hadi juni – 2017,  aidha anatoa rai kwa jamii kuendelea kushirikiana na Jeshi la Polisi katika mapambano dhidi ya uhalifu na wahalifu kwa kuwafichua wahalifu kwani wanaishi nao katika jamii. 

Aidha Kamanda Kidavashari anatoa wito kwa jamii hasa wahalifu kuacha tabia yakuwa na tamaa ya utajiri wa haraka kwa kujipatia utajiri wa haraka kwa njia ya  mkato/haramu badala yake wajishughulishe kwa kufanya kazi halali na kupata kipato halali kwa kuzingatia kuwa Mkoa wa Mbeya unazo fursa nyingi ikiwa ni pamoja na hali ya  hewa. 

Amewataka pia madereva  kuendesha vyombo vya moto kwa kuzingatia sheria na alama za usalama barabarani ili kuepuka ajali zinazoweza kuepukika kwani zinarudisha nyuma maendeleo katika jamii hususani  nguvu kazi ya  taifa. 

Kadhalika amewataka watumiaji wengine wa barabara wakiwemo watembea kwa miguu kutii na kuheshima alama za barabarani.

Pia Kamanda Kidavashari ametoa wito kwa wakulima na wafugaji kuwa makini hasa katika kipindi hiki cha msimu wa mavuno ikiwa ni pamoja na kuepuka kufanya biashara na watu wanaowatilia mashaka, kuepuka kuhifadhi fedha nyingi ndani na badala yake wakahifadhi fedha benki kwa usalama zaidi.

 

No comments: